A historia de Silvia

En Accede Social somos conscientes do importante papel que temos as empresas en materia de igualdade. Por iso, levamos anos traballando cun obxectivo claro: ser motor de cambio na sociedade.

Somos o primeiro centro especial de emprego de Galicia que asinou o seu I Plan de Igualdade o que xa demostra a nosa implicación e compromiso coa igualdade entre mulleres e homes. Un plan que conta con 13 actuacións, 5 delas xa implementadas, que pretenden seguir avanzando na igualdade de oportunidades, na nosa empresa en particular e na sociedade en xeral. Algunhas delas son a visibilización da muller no sector do transporte; a redución de xornada por razóns de estudos ou coidados a persoas maiores, enfermas, con discapacidade ou con dependencia; ou formacións específicas sobre igualdade a todo o equipo Accede.

Seguir mellorando é o noso reto

En Accede Social apostamos polo talento, sen discriminacións de ningún tipo. E hoxe podemos afirmar con orgullo que a forma na que o estamos facendo está a funcionar. Mulleres en postos directivos, traballadoras e traballadores que exercen o seu dereito á conciliación,… Lideramos co exemplo e os resultados obtidos son un acicate para continuar avanzando.

O noso obxectivo continuará sendo a consecución da igualdade real e efectiva, porque é parte da nosa cultura e os nosos valores.

Avanzando en Igualdade!

Silvia Alende

Xerente de Accede Social