Como se recicla o plástico?

Que é o plástico?

O plástico é un dos materiais máis presentes no noso día a día. O seu uso está moi estendido debido á súa gran versatilidade. Utilizámolo para envasar todo tipo de produtos, na roupa, móbiles, mobles ou coches.

Pero, de que se compón o plástico? Polo xeral, trátase de polímeros que se moldean a partir da presión e a calor. Dependendo da súa procedencia estes poden ser naturais, se se obteñen directamente de materias primas vexetais, ou sintéticos, elaborados a partir de compostos derivados do petróleo, o gas natural ou o carbón. Segundo esta composición, podemos atopar diferentes tipos de plástico:  PET,  PEAD, PVC,  PEBD, PP, PS, etc.

Como é o proceso de reciclaxe?

O proceso de reciclaxe do plástico de Coregal comeza nas industrias da nosa contorna. É aquí onde se recollen os envases para, así, poder transportalos ás plantas de selección.

Aquí, sepáranse en primeiro lugar os materiais e clasifícanse. As pezas rómpense e  tritúranse en pequenos anaquiños para facilitar o tratamento.

Tras este proceso lávanse, sécanse e centrifúganse para eliminar as impurezas e homoxeneizase cun proceso mecánico para lograr unha cor e textura uniforme.

Despois volve depurarse o material, dándolle a forma e a cor demandada para pasar polos respectivos controis de calidade.

Que se fai con iso despois?

A maioría dos plásticos pódense reciclar por iso o teu labor é  importantísimo.

A maioría do plástico destínase á fabricación de novos envases, embalaxes, aparellos electrónicos, pezas de automoción e outros produtos.

Como ter un consumo responsable co plástico? Reduce o seu consumo, reutilízao sempre que sexa posible e, finalmente, recíclao.