Estudantes da facultade de Dereito da USC visita as instalacións de Coregal de Santiago

Preto de corenta estudantes da facultade de Dereito da Universidade de Santiago de Compostela visitaron a ecoplanta que Coregal ten na capital galega para coñecer a actividade desta iniciativa social de COGAMI Empresarial ao redor da reciclaxe.

O alumnado recibiu unha charla sobre a a recollida e tratamento de residuos urbanos e tamén puido ver en primeira persoa como se desenvolve esta actividade.

Tras esta visita, o grupo desprazouse ata as instalacións do CEGADI onde se lles presentou o programa integral de actuacións para a promoción da autonomía persoal e a inclusión social das persoas con discapacidade.