Hornos de Lamastelle participa na degustación gastronómica solidaria de As Cancelas

O centro comercial As Cancelas de Santiago de Compostela celebrou unha degustación gratuíta e solidaria de empanada galega en colaboración con Hornos de Lamastelle, iniciativa social de COGAMI Empresarial.

Esta actividade está integrada na última campaña organizada por este centro comercial compostelán que, durante o mes de abril, presentou a programación de actividades relacionadas cos cinco sentidos.

A acción levada a cabo con Hornos de Lamastelle estivo enfocada no gusto, complementando o resto de experiencias sensoriais relacionadas coa vista, o tacto, o olfacto e o oído.

O evento rematou tras esgotar existencias e contou coa presenza dun Dj que amenizou a xornada con música en directo para todas as persoas que realizaban as súas compras.