Trameve recibe o premio á Excelencia Empresarial da man do Concello de Santiago

Trameve foi unha das doce empresas compostelás recoñecidas polo Concello nos II Premios de Excelencia Empresarial, galardóns que distinguen as boas prácticas no campo da conciliación laboral e familiar, economía circular, innovación, comercialización en produtos e servizos culturais, ademais de boas prácticas de economía social.

Entregados no Pazo de Raxoi, Trameve recibiu este premio dentro da categoría de Boas prácticas de empresas de economía social, por poñer en uso pezas de vehículos sinistrados ou que chegaron ao fin da súa vida útil.

Son sete as categorías de Excelencia Empresarial, cada unha delas dotada dun premio de 6.000 euros. Ademais da categoría na que resultou premiada Trameve, o resto son en materia de conciliación, de economía circular, de ciencia e innovación, en comercialización de produtos e servizos culturais, en estratexias que apostan por atraer, reter ou mellorar o talento e en boas prácticas aliñadas cos retos da Axenda Urbana 2030.